ഒരു കൂട്ടം മലയാളി സഗീത പ്രേമികൾ ചേർന്ന് 2023ൽ സൗഹൃദ സദസ്സുകളിൽ പാടി തുടങ്ങിയ ചെറു കൂട്ടായ്മ ഏറെ പ്രശംസ നേടുന്ന സംഗീതവേദികളെ കീഴടക്കുന്ന ബാൻഡായ “ഡാഫോഡിൽസ്” എന്ന ബാൻഡ് ആയി വളർന്നു. തുടക്കമിട്ട് വെറും 18 മാസം കൊണ്ട് 23 വേദികൾ കീഴടക്കി, ഈ ബാൻഡ് അയർലൻഡിലെ പ്രമുഖ സംഗീതസംഘങ്ങളിലൊന്നായി മാറി.
വിവിധ വേദികളിലെ പ്രകടനങ്ങൾ
18 മാസത്തിനിടെ ഡാഫോഡിൽസ് 23 വേദികളിൽ പ്രകടനങ്ങൾ നടത്തി. ആദ്യമായി വേൾഡ് മലയാളി കൗൺസിലിന്റെ 2023 ഓണാഘോഷ വേദിയിലാണ് ഇവർ അരങ്ങേറ്റം കുറിച്ചത്. തുടക്കത്തിലെ പരീക്ഷണങ്ങളും വെല്ലുവിളികളും മറികടന്ന്, തകർപ്പൻ മ്യൂസിക് ഫെസ്റ്റുകൾ മുതൽ ചാരിറ്റി ഇവന്റുകൾ വരെ നിരവധി പരിപാടികളിലൂടെ ബാൻഡ് തന്റെ കഴിവു തെളിയിച്ചു.
മെഗാ ചാരിറ്റി ഇവന്റ്: ശ്രദ്ധ നേടിയ നിമിഷങ്ങൾ
2023 നവംബറിൽ, ഐറിഷ് ക്യാൻസർ സൊസൈറ്റിക്കായി ഡാഫോഡിൽസ് നടത്തിയ മെഗാ ചാരിറ്റി സംഗീത പരിപാടി ശ്രദ്ധനേടി. അറുന്നൂറോളം ആളുകൾ പങ്കെടുത്ത ഈ പരിപാടിയിൽ നിന്ന് 2,500 യൂറോ സൊസൈറ്റിക്ക് സംഭാവന ചെയ്തു. ഈ സംഭവം സംഗീതപ്രേമികളുടെ ഇടയിൽ ഡാഫോഡിൽസിന് നല്ലൊരു പേര് നേടിക്കൊടുത്തു.
സംഗീത പ്രേമിയായ കോർക്കിലെ മേയർ, ഡാഫോഡിൽസിന്റെ പ്രകടനത്തിൽ ആകൃഷ്ടനായി, ബാൻഡിനെ ഒരു സൗഹൃദ സദസിലേക്ക് ക്ഷണിച്ചു. ഈ പ്രത്യേക ചടങ്ങിൽ ബാൻഡിന്റെ പ്രകടനം മേയർ ഉൾപ്പെടെയുള്ള പ്രേക്ഷകർ ആസ്വദിച്ചു. അയർലൻഡിൽ നിലവിലുള്ള മികച്ച പത്ത് സംഗീതബാൻഡുകളുടെ പട്ടികയിൽ ഒന്നായി , ഡാഫോഡിൽസ് ഇപ്പോൾ മാറിയിരിക്കുന്നു . ഡാഫോഡിൽസ്, ഐറിഷ് മലയാളി സംഗീതത്തിന് ഒരു പുതു പ്രതീക്ഷയായി മാറുകയാണ്.
ബുക്കിംഗിനായി ബന്ധപ്പെടുക: 0874167077, 0830276399