ഡബ്ലിൻ, അയർലൻഡ് – ഡബ്ലിനിലെ ബാലിമൺ IKEA സ്റ്റോറിൽ 2025 ജനുവരിയിൽ €3,526 മൂല്യമുള്ള സാധനങ്ങൾ മോഷ്ടിച്ച കേസിൽ മൂന്ന് ഇന്ത്യൻ സോഫ്റ്റ്‌വെയർ എൻജിനീയർമാർക്കെതിരെ കേസ്. ഡബ്ലിൻ ഡിസ്ട്രിക്ട് കോടതിയിൽ ജഡ്ജ് പട്രീഷ്യ ക്രോണിൻ 2025 മെയ് 2-ന് കേസ് മാറ്റിവച്ചു, പ്രതികൾക്ക് റിസ്റ്റോറേറ്റീവ് ജസ്റ്റിസ് പ്രോഗ്രാമിന് അനുയോജ്യമാണോയെന്ന് വിലയിരുത്താൻ പ്രൊബേഷൻ റിപ്പോർട്ടുകൾ ഉത്തരവിട്ടു. ഇത് വിജയിച്ചാൽ ക്രിമിനൽ റെക്കോർഡ് ഒഴിവാക്കപ്പെടും എന്ന് കരുതുന്നു.

മോഷണം 2025 ജനുവരി 11, 18, 25 തീയതികളിൽ ബാലിമൺ IKEA-യിൽ വച്ചാണ് നടന്നത് എന്ന് പറയപ്പെടുന്നത്. ഡിറ്റക്ടീവ് ഗാർഡ ആന്റണി ഗാൽബ്രെയ്ത് പറഞ്ഞതനുസരിച്ച്, രണ്ട് തവണ €1,350-ഉം ഒരു തവണ €852-ഉം മൂല്യമുള്ള സാധനങ്ങൾ മോഷ്ടിച്ചു. ഒരു ശ്രമത്തിനിടെ €1,323-ന്റെ സ്റ്റോക്ക് IKEA-ക്ക് തിരികെ ലഭിച്ചു. പക്ഷേ നല്ല സെക്യൂരിറ്റി സുരക്ഷാ ഉള്ള IKEA പോലെ ഉള്ള ഒരു സ്ഥലത്ത് നിന്നും ഇത്തരം വിലപിടിപ്പുള്ള സാധനങ്ങൾ എങ്ങിനെ മോഷട്ടിക്കപ്പെട്ടു എന്ന് ഇതുവരെ വ്യക്തമല്ല. ഇതും മുന്പ് നടന്ന പോലെ ക്രെഡിറ്റ് കാർഡ് പേമെന്റ് സിസ്റ്റത്തിലെ തകാരാറാണോ എന്നും സംശയം ഉണ്ട് എന്ന് സോഷ്യൽ മീഡിയയിൽ ആളുകൾ ചോദിക്കുന്നു.

2020-ൽ വർക്ക് വിസയിൽ അയർലൻഡിലെത്തിയ ഈ കേസിൽ പെട്ടവര്ക്ക് മുൻ ക്രിമിനൽ റെക്കോർഡോ ഗാർഡ വാച്ച് ലിസ്റ്റിൽ പേരോ ഇല്ലെന്ന് വ്യക്തമായി. പക്ഷേ കുറ്റവാളി റെക്കോർഡ് അവരുടെ അയർലൻഡ് പൗരത്വ ആപ്ലിക്കേഷനിൽ തടസ്സം ഉണ്ടാക്കിയേക്കാം എന്ന് അവരുടെ സോളിസിറ്റർ ചൂണ്ടിക്കാട്ടി.

ജഡ്ജ് ക്രോണിൻ, മോഷണത്തിന്റെ അളവ് മൂലം അഡൾട്ട് കോഷൻ ഒഴിവാക്കി, എന്നാൽ പ്രതികളുടെ വൃത്തിയുള്ള റെക്കോർഡും സഹകരണവും അംഗീകരിച്ചു. IKEA-യുടെ റിസ്റ്റോറേറ്റീവ് ജസ്റ്റിസ് പിന്തുണയെ അവർ സ്വാഗതം ചെയ്തു, ഇത് ഇത്തരം കേസുകളിൽ അപൂർവമാണ്. ഈ പ്രോഗ്രാം, വിജയിച്ചാൽ, മദ്ധ്യസ്ഥതയും പരിഹാര നടപടികളും വഴി ആദ്യകുറ്റവാളികൾക്ക് റെക്കോർഡ് ഒഴിവാക്കാൻ അനുവദിക്കും. കേസ് 2025 ജൂലൈയിലേക്ക് മാറ്റി, പ്രൊബേഷൻ റിപ്പോർട്ടുകൾക്കായി, പ്രതികളുടെ സഹകരണവും IKEA-യുടെ തുടർ പിന്തുണയും നിർണായകമാണ്.