ഡബ്ലിൻ, അയർലൻഡ് – ഔദ്യോഗിക National Car Testing Service (NCT) വെബ്സൈറ്റ് ഒരു അത്യാധുനിക ഓൺലൈൻ തട്ടിപ്പിലൂടെ വിജയകരമായി ക്ലോൺ ചെയ്യപ്പെട്ടതിനെത്തുടർന്ന്, നിരവധി ആളുകൾക്ക് നൂറുകണക്കിന് യൂറോ നഷ്ടപ്പെട്ട സാഹചര്യത്തിൽ, രാജ്യത്തുടനീളമുള്ള വാഹനയാത്രക്കാർ അതീവ ജാഗ്രത പാലിക്കണമെന്ന് അഭ്യർത്ഥിക്കുന്നു.
തട്ടിപ്പുകാർ യഥാർത്ഥ NCT ഹോംപേജ് ഞെട്ടിപ്പിക്കുന്ന കൃത്യതയോടെ പകർത്തിയിട്ടുണ്ട്, ഇത് വ്യാജ സൈറ്റിനെ ജനപ്രിയ സെർച്ച് എഞ്ചിനുകളിൽ ഇടയ്ക്കിടെ പ്രത്യക്ഷപ്പെടാൻ അനുവദിക്കുകയും നിർബന്ധിത വാഹന പരിശോധനകൾ ബുക്ക് ചെയ്യാൻ ശ്രമിക്കുന്നവരെ കുടുക്കുകയും ചെയ്യുന്നു.
എൻ.സി.ടി ബുക്കിംഗിനായി ഇൻ്റർനെറ്റിൽ സെർച്ച് ചെയ്യുന്നവരെ ലക്ഷ്യമിട്ട് ഔദ്യോഗിക വെബ്സൈറ്റിന് സമാനമായ ‘ക്ലോൺ’ വെബ്സൈറ്റുകൾ (Fake Websites) നിർമ്മിച്ചാണ് തട്ടിപ്പുകാർ പണം തട്ടുന്നത്.
ഗൂഗിളിൽ (Google) എൻ.സി.ടി ബുക്കിംഗിനായി തിരയുമ്പോൾ ഇത്തരം വ്യാജ വെബ്സൈറ്റുകൾ പരസ്യങ്ങളായി (Sponsored Links) മുകളിൽ പ്രത്യക്ഷപ്പെടാറുണ്ട്. ഔദ്യോഗിക സൈറ്റ് എന്ന് തെറ്റിദ്ധരിച്ച് ഇതിൽ കയറി ബുക്ക് ചെയ്യുന്നവരിൽ നിന്നും വൻ തുകയാണ് ഇവർ ഈടാക്കുന്നത്.
തട്ടിപ്പ് രീതി ഇങ്ങനെ:
ഔദ്യോഗിക വെബ്സൈറ്റ് (ncts.ie) പോലെ തന്നെ തോന്നിപ്പിക്കുന്ന രീതിയിലാണ് ഈ വ്യാജ സൈറ്റുകൾ രൂപകൽപ്പന ചെയ്തിരിക്കുന്നത്. എൻ.സി.ടി ബുക്ക് ചെയ്തു തരാം എന്ന വ്യാജേന ഇവർ €60 മുതൽ €80 വരെ സർവീസ് ചാർജ്ജ് ആയി ഈടാക്കുന്നു. എന്നാൽ പണം അടച്ചു കഴിഞ്ഞാലും ടെസ്റ്റ് ബുക്ക് ചെയ്യപ്പെടാറില്ല. ചില സന്ദർഭങ്ങളിൽ കാർഡ് വിവരങ്ങൾ കൈക്കലാക്കി അക്കൗണ്ടിൽ നിന്നും കൂടുതൽ പണം പിൻവലിക്കപ്പെടുന്നതായും റിപ്പോർട്ടുകളുണ്ട്.
ശ്രദ്ധിക്കേണ്ട കാര്യങ്ങൾ:
യഥാർത്ഥ വെബ്സൈറ്റ് മാത്രം ഉപയോഗിക്കുക: എൻ.സി.ടി ബുക്ക് ചെയ്യാൻ എപ്പോഴും ഔദ്യോഗിക വെബ്സൈറ്റായ www.ncts.ie മാത്രം സന്ദർശിക്കുക.
യു.ആർ.എൽ (URL) പരിശോധിക്കുക: വെബ്സൈറ്റിൽ കയറുന്നതിന് മുൻപ് മുകളിലെ അഡ്രസ് ബാറിൽ ‘ncts.ie’ എന്ന് തന്നെയാണോ എന്ന് ഉറപ്പുവരുത്തുക. ‘nationalvehicletesting.com’, ‘nctservices.org’ തുടങ്ങിയ പേരുകളിൽ വരുന്ന സൈറ്റുകൾ വ്യാജമാണ്.
ഗൂഗിൾ സെർച്ച് റിസൾട്ട്: ഗൂഗിളിൽ സെർച്ച് ചെയ്യുമ്പോൾ മുകളിൽ ‘Sponsored’ എന്ന് എഴുതി വരുന്ന ലിങ്കുകളിൽ ക്ലിക്ക് ചെയ്യാതിരിക്കാൻ ശ്രദ്ധിക്കുക.
നിങ്ങൾ അബദ്ധവശാൽ ഇത്തരം വെബ്സൈറ്റുകളിൽ പണം നൽകിയിട്ടുണ്ടെങ്കിൽ ഉടൻ തന്നെ ബാങ്കുമായി ബന്ധപ്പെട്ട് ഇടപാട് റദ്ദാക്കാൻ ആവശ്യപ്പെടുക. കൂടാതെ ഗാർഡയിലും (Gardaí) വിവരം അറിയിക്കുക.
അയർലണ്ടിലെ മലയാളി സുഹൃത്തുക്കൾക്കിടയിൽ ഈ വിവരം പങ്കുവെച്ച് തട്ടിപ്പിൽ പെടാതിരിക്കാൻ സഹായിക്കുക