ഡബ്ലിൻ: 2021 മെയ് മാസത്തിൽ അയർലൻഡിലെ ആരോഗ്യ സേവന വിഭാഗമായ HSE (Health Service Executive)-നെതിരെ നടന്ന വലിയ സൈബർ ആക്രമണത്തിൽ വിവരങ്ങൾ ചോർന്ന ചിലർക്ക് €750 (ഏകദേശം 67,000 രൂപ) നഷ്ടപരിഹാരം നൽകാൻ ധാരണയായി. സൈബർ ആക്രമണവുമായി ബന്ധപ്പെട്ട് നിയമനടപടികൾ സ്വീകരിച്ചിട്ടുള്ള ഒരു വിഭാഗം ആളുകൾക്കാണ് ഈ പ്രാഥമിക നഷ്ടപരിഹാരത്തുക വാഗ്ദാനം ചെയ്തിരിക്കുന്നത്.

2021-ൽ നടന്ന ‘കോണ്ടി’ (Conti) ransomware ആക്രമണത്തിൽ HSE-യുടെ ഐടി സംവിധാനങ്ങൾ പൂർണ്ണമായും തകരാറിലാവുകയും, ഏകദേശം 90,000 ആളുകളുടെ വ്യക്തിപരവും ചികിത്സാ സംബന്ധവുമായ വിവരങ്ങൾ ചോരുകയും ചെയ്തിരുന്നു. ഈ സംഭവത്തിൽ കടുത്ത മാനസിക സമ്മർദ്ദം നേരിട്ടതായി കാണിച്ച് നിരവധി പേർ HSE-ക്കെതിരെ നിയമനടപടിക്ക് ഒരുങ്ങിയിരുന്നു.

ഈ സൈബർ ആക്രമണം അയർലൻഡ് സർക്കാരിന് വലിയ സാമ്പത്തിക ബാധ്യതയാണ് ഉണ്ടാക്കിയത്. ഇരകൾക്ക് നേരത്തെ HSE ഔദ്യോഗികമായി കത്തുകൾ അയച്ചിരുന്നു. കത്ത് ലഭിക്കാത്തവർ ആശങ്കപ്പെടേണ്ടതില്ലെന്നും HSE വ്യക്തമാക്കി.

HSE സൈബർ ആക്രമണത്തെക്കുറിച്ചുള്ള കൂടുതൽ വിവരങ്ങൾക്കും ഔദ്യോഗിക അറിയിപ്പുകൾക്കുമായി HSE-യുടെ വെബ്സൈറ്റിലെ Cyber-attack and HSE response എന്ന പേജ് സന്ദർശിക്കാവുന്നതാണ്.