വിദ്യാർത്ഥികളുടെ ജീവിത നിലവാരം ഉയർത്തുന്നതിനും സമഗ്രമായ മാറ്റം കൊണ്ടുവരുന്നതിനുമായി നൂതനമായ ‘പ്രിസം മോഡൽ’ (PRISM Model for Student Life Transformation) വികസിപ്പിച്ചെടുത്ത ജീന ടോണിക്ക് ഇന്ത്യാ ബുക്ക് ഓഫ് റെക്കോർഡ്സ് അംഗീകാരം. 2026-ലെ ഇന്ത്യാ ബുക്ക് ഓഫ് റെക്കോർഡ്സ് അച്ചീവർ പട്ടികയിലാണ് ജീന ഇടം നേടിയത്.
വിദ്യാർത്ഥികളുടെ വ്യക്തിത്വ വികസനത്തിലും ജീവിത വിജയത്തിലും നിർണ്ണായക സ്വാധീനം ചെലുത്താൻ ഉതകുന്ന രീതിയിലാണ് ഈ മോഡൽ രൂപകല്പന ചെയ്തിരിക്കുന്നത്. വിദ്യാഭ്യാസ-പരിശീലന രംഗത്ത് വേറിട്ട പാത വെട്ടിത്തുറന്നതിനാണ് ഈ അംഗീകാരം തേടിയെത്തിയത്.
തന്റെ ഈ നേട്ടത്തിന് പിന്നിൽ പ്രവർത്തിച്ച ‘സ്റ്റാർ മാഗ്നറ്റ്’ (Star Magnet) ടീമിനും, ഒപ്പം നിന്ന ഭർത്താവിനും, കുടുംബാംഗങ്ങൾക്കും സുഹൃത്തുക്കൾക്കും ജീന നന്ദി അറിയിച്ചു. അവരുടെ സ്നേഹവും പിന്തുണയുമാണ് ഇത്തരമൊരു നേട്ടത്തിലേക്ക് തന്നെ നയിച്ചതെന്ന് ജീന ടോണി വ്യക്തമാക്കി.