ഡബ്ലിൻ: അയർലണ്ടിന്റെ പോലീസ് സേനയായ അൻ ഗാർഡ ഷീചോനയുടെ പുതിയ കമ്മ കമ്മീഷണറായി ജസ്റ്റിൻ കെല്ലിയെ നിയമിച്ചതായി ജസ്റ്റിസ് മന്ത്രി ജിം ഓ’കല്ലഹൻ പ്രഖ്യാപിച്ചു. 2025 സെപ്റ്റംബർ 1 മുതൽ അഞ്ച് വർഷത്തേക്ക് കെല്ലി ഈ പദവി വഹിക്കും, ഇപ്പോഴത്തെ കമ്മീഷണർ ഡ്രൂ ഹാരിസിനെ മാറ്റിസ്ഥാപിക്കും. ഡബ്ലിനിൽ നിന്നുള്ള കെല്ലിക്ക് 30 വർഷത്തിലേറെ പോലീസ് സേവന പരിചയമുണ്ട്, പ്രത്യേകിച്ച് ഗുരുതരവും സംഘടിതവുമായ കുറ്റകൃത്യങ്ങൾക്കെതിരെ പോരാടുന്നതിൽ.

നിയമന പ്രക്രിയ മേയ് മാസത്തിൽ ആരംഭിച്ച ഒരു മൂന്നാഴ്ചത്തെ ഓൺലൈൻ റിക്രൂട്ട്‌മെന്റ് കാമ്പെയ്‌നിന്റെ ഭാഗമായിരുന്നു, 14 സ്ഥാനാർത്ഥികളെ തിരഞ്ഞെടുത്ത് രണ്ട് അഭിമുഖങ്ങളും ഒരു പ്രസന്റേഷനും ഉൾപ്പെടുത്തി. കെല്ലി, 2024 ഒക്ടോബറിൽ ഡെപ്യൂട്ടി കമ്മീഷണർ (സെക്യൂരിറ്റി, സ്ട്രാറ്റജി, ഗവര്ണൻസ് ) ആയി നിയമിതനായിരുന്നു.

സംഘടിത കുറ്റകൃത്യങ്ങളുടെ തലവനായിരുന്ന കിനഹാൻ കാർട്ടലിനെതിരെ അന്താരാഷ്ട്ര തലത്തിൽ പ്രവർത്തനം നടത്തിയതിന് ശേഷം, ദുബൈയിലേക്ക് യാത്ര ചെയ്ത് പ്രാദേശിക പോലീസുമായും ഗവൺമെന്റ് ഉദ്യോഗസ്ഥരുമായും ബന്ധപ്പെട്ടു, പിന്നീട്ഡിറ്റക്ടീവ് ചീഫ് സൂപ്രണ്ടായി,  സ്പെഷ്യൽ ഡിറ്റക്ടീവ് യൂണിറ്റിന്റെ മേധാവിയുമായിരുന്നു, രാജ്യത്തിന്റെ സുരക്ഷയും ഭീകരവാദവുമായി ബന്ധപ്പെട്ട കാര്യങ്ങളും കൈകാര്യം ചെയ്തിട്ടുണ്ട്.

“ഗാർഡ കമ്മീഷണർ എന്ന നിലയിൽ ഏറ്റവും വെല്ലുവിളി നിറഞ്ഞതും സ്വാധീനമുള്ളതുമായ നേതൃത്വ സ്ഥാനങ്ങളിലൊന്നാണ് ഈ പദവി, കെല്ലിയുടെ 30 വർഷത്തെ നേതൃത്വ പരിചയം ദേശീയ സുരക്ഷ, ഗാർഹിക, ലൈംഗിക അതിക്രമങ്ങൾ, സംഘടിത കുറ്റകൃത്യങ്ങൾ എന്നിവ പോലുള്ള വെല്ലുവിളി നിറഞ്ഞ വിഷയങ്ങളിൽ അദ്ദേഹത്തിന് യോഗ്യനും അനുയോജ്യനുമാണെന്ന് ഞാൻ വിശ്വസിക്കുന്നു.” എന്ന് നിയമനത്തെക്കുറിച്ച് ജിം ഓ’കല്ലഹൻ (Minister for Justice of Ireland) പറഞ്ഞു:

കെല്ലിയുടെ നേട്ടങ്ങൾക്കിടയിൽ 2001-ൽ യുഎൻ-ന്റെ ബോസ്നിയ ഹെർസഗോവിനയിലെ ഒരു ദൗത്യത്തിൽ പങ്കെടുത്തതും 2009-ൽ ന്യൂയോർക്കിലെ ജോൺ ജേ കോളേജിൽ ക്രിമിനൽ ജസ്റ്റിസിൽ എംഎ ബിരുദവും 2019-ൽ യൂണിവേഴ്സിറ്റി ഓഫ് ലിമറിക്കിൽ ഗുരുതര കുറ്റകൃത്യ അന്വേഷണത്തിൽ എംഎസ് ബിരുദവും 2020-ൽ ഡർഹാമിലെ കോളേജ് ഓഫ് പോലീസിംഗിൽ നിന്ന് ഒരു മുതിർന്ന പോലീസ് ബഹുമതിയും ഉൾപ്പെടുന്നു. ഡബ്ലിനിലെ ബ്ലാഞ്ചാർഡ്സ്ടൗൺ, ക്ലോൺഡാൽകിൻ എന്നിവിടങ്ങളിൽ യൂണിഫോം ഇൻസ്പെക്ടറായും സേവനമനുഷ്ഠിച്ചിട്ടുള്ള അദ്ദേഹം, ഗാർഡയിലെ ഭൂരിഭാഗം ജോലിയും ഡിറ്റക്ടീവായാണ് ചെയ്തത്.

ഡെപ്യൂട്ടി പ്രൈം മിനിസ്റ്റർ സൈമൺ ഹാരിസ്, കെല്ലിയെ അഭിനന്ദിച്ചു

നിലവിലെ കമ്മീഷണർ ഡ്രൂ ഹാരിസ്, 41 വർഷത്തെ പോലീസ് സേവനത്തിന് ശേഷം സെപ്റ്റംബറിൽ വിരമിക്കും.

ഐർലൻഡ് മലയാളി 
ഐർലൻഡ് മലയാളി വാര്‍ത്തകൾ നേരത്തെ ലഭിക്കുവാന്‍ താഴെയുള്ള ലിങ്ക്  ക്ലിക്ക് ചെയ്ത് ഞങ്ങളുടെ വാട്‌സാപ്പിൽ ജോയിന്‍ ചെയ്യൂ  https://whatsapp.com/channel/0029Vb5x7AqFcow9HXewaZ0s  വാട്‌സാപ്പ് ഗ്രൂപ്പ് https://chat.whatsapp.com/IiAT1fRaSJOJXHh7DSMJnY?  Facebook: https://www.facebook.com/irelandmalayali