അയർലൻഡ് ∙ പുതുവർഷാഘോഷങ്ങളുടെ ഭാഗമായി മാസ് ഇവന്റ്സ് സംഘടിപ്പിക്കുന്ന മ്യൂസിക് ഫെസ്റ്റ് ഈ വർഷം ജനുവരി 17-ന് ഡബ്ലിനിലെ സയൻറ്റോളജി ഓഡിറ്റോറിയത്തിൽ നടക്കും. മാസ് ഇവന്റ്സും ഷീല പാലസും ചേർന്നാണ് ഈ വമ്പിച്ച സംഗീത പരിപാടി ഒരുക്കുന്നത്. K North, Kudil the Band, Back Benchers, Aura, Thakil Live എന്നീ പ്രശസ്ത ബാൻഡുകൾ പരിപാടിയിൽ തകർപ്പൻ പ്രകടനവുമായി അരങ്ങിലെത്തും.
മലയാളികളുടെ പ്രിയ ഗായകരായ ജി വേണുഗോപാൽ, നജീം അർഷാദ്, സയനോര, നിത്യ മാമ്മൻ, വൈഷ്ണവ് ഗിരിഷ് എന്നിവർ ബാൻഡുകളോടൊപ്പം ചേർന്ന് സംഗീത വിരുന്ന് സമൃദ്ധമാക്കും.
തെക്കൻ അയർലണ്ടിലെ മലയാളികൾക്കായി, മാസ് ഇവന്റ്സും ഗ്രീൻ ചില്ലിയും ചേർന്ന് ജനുവരി 18-ന് “വേണുഗോപാൽ ലൈവ്” എന്ന പേരിൽ മറ്റൊരു പ്രത്യേക ഷോ ലിമെറിക്കിലെ സ്ട്രാൻഡ് ഹോട്ടലിലും നടത്തുന്നുണ്ട്. ടൈലക്സ് ഗ്രൂപ്പ് പ്രധാന സ്പോൺസറായ ഇരു ഷോകളുടെയും ടിക്കറ്റുകൾ www.masseventsireland.com എന്ന വെബ്സൈറ്റിലൂടെ ലഭ്യമാണ്.