അയർലണ്ടിൽ അടുത്ത കുറച്ച് ദിവസങ്ങൾക്കുള്ളിൽ വീണ്ടും മഞ്ഞുവീഴ്ചയും സൂന്യത്തിൽ താഴെയുള്ള താപനിലകളും അനുഭവപ്പെടാമെന്ന് പുതിയ കാലാവസ്ഥാ വിവരങ്ങൾ സൂചിപ്പിക്കുന്നു. Ventusky എന്ന കാലാവസ്ഥാ ആപ്പിന്റെ പുതിയ മാപ്പുകൾ പ്രകാരം, ഒരു വലിയ ആർട്ടിക് ചുഴലിക്കാറ്റ് അയർലണ്ടിലേക്ക് നീങ്ങുകയാണ്. ജനുവരി 25 ശനിയാഴ്ച, ഡബ്ലിൻ, കോർക്ക്, വാട്ടർഫോർഡ് എന്നിവിടങ്ങൾ ഉൾപ്പെടെ മഞ്ഞുവീഴ്ചയ്ക്ക് സാധ്യത ഉണ്ടെന്നാണ് നിഗമനം.

മാറുന്ന താപനിലകളുടെ വൈരുദ്ധ്യം
ജനുവരി 8-ന് ഗാൾവേയിലെ അഥൻറൈയിൽ -7.6°C വരെ താപനില കുറയുകയും , ദിവസം പിന്നിട്ട് ഡൊണേഗാളിലെ ഫിന്നർ ക്യാമ്പിൽ 15°C വരെ ചൂട് രേഖപ്പെടുത്തുകയും ചെയിതീരുന്നു. ഈ വ്യത്യാസത്തിനിടെ, അടുത്ത ആഴ്ചയിൽ -6°C വരെ തണുത്ത താപനിലകൾ അനുഭവപ്പെടും എന്നാണ് കണക്കുകൾ സൂചിപ്പിക്കുന്നത്.

കാലാവസ്ഥാ വിദഗ്ധരുടെ പ്രവചനങ്ങൾ
പ്രമുഖ കാലാവസ്ഥാ വിദഗ്ധനായ അലൻ ഓ’റീലി (Carlow Weather) തന്റെ സോഷ്യൽ മീഡിയയിൽ, അടുത്ത 10 ദിവസങ്ങളിൽ തീവ്രമായ തണുപ്പ് സാധ്യതയില്ലെന്ന് പറഞ്ഞിരുന്നു. എന്നാൽ ജനുവരി 25-ന്  ഒരു ശക്തമായ ചുഴലിക്കാറ്റിനുള്ള സൂചനകൾ കാണുന്നുവെന്നും ഇതുവരെ കൂടുതൽ ഉറപ്പില്ലെന്നും അദ്ദേഹം കൂട്ടിച്ചേർത്തു.

Met Éireann-ന്റെ റിപ്പോർട്ട്
Met Éireann പ്രവചനങ്ങൾ പ്രകാരം, ഈ ആഴ്ചയിലും വരാനിരിക്കുന്ന ദിവസങ്ങളിലും മഴ ലഭിക്കാം, എന്നാൽ ഉയർന്ന താപനില തുടരാനാണ് സാധ്യത. അതേസമയം, അടുത്ത ആഴ്ചയുടെ അവസാനത്തിൽ വീണ്ടും മഞ്ഞും മൈനസ് താപനിലയും തിരിച്ചുവരാനുള്ള സാധ്യതയുണ്ട്.

സാമൂഹിക മാധ്യമങ്ങളിൽ ചർച്ചകൾ
കാലാവസ്ഥാ പ്രേമികൾ സാമൂഹിക മാധ്യമങ്ങളിൽ ഈ മാറ്റങ്ങളെക്കുറിച്ച് ചർച്ച ചെയ്യുകയും, ശീതകാലം അവസാനിച്ചെന്ന് കരുതരുതെന്നും മുന്നറിയിപ്പ് നൽകുകയും ചെയ്തു.

അയർലണ്ടിന്റെ കാലാവസ്ഥ വീണ്ടും ഒരു ആവർത്തനപരമായ തണുത്ത കാലഘട്ടത്തിലേക്ക് മാറുമോയെന്ന് അടുത്ത ദിവസങ്ങൾ നിർണ്ണായകമാകും.