ഡബ്ലിൻ: അയർലൻഡിലെ ഭക്ഷണപ്രേമികൾക്കും പ്രവാസി മലയാളികൾക്കും സന്തോഷ വാർത്തയുമായി ഡബ്ലിൻ നഗരത്തിന്റെ ഹൃദയഭാഗമായ ടെമ്പിൾ ബാറിൽ (Temple Bar) പുതിയൊരു ഭക്ഷണ വിസ്മയം തുറക്കുന്നു. അയർലൻഡ് മലയാളികൾക്ക് സുപരിചിതമായ ഒലിവ്സ് റെസ്റ്റോറന്റ് (Olivez Restaurant) ഗ്രൂപ്പിന്റെ പുതിയ പ്രീമിയം കഫേ സംരംഭമായ ‘അന്നം’ (ANNAM – Modern Indian Cafe) ഇന്ന് (21 മെയ് 2026) മുതൽ പ്രവർത്തനം ആരംഭിക്കും. ഇന്ന് ഉച്ച മുതലാണ് സിറ്റി സെന്ററിലെ ഈ കഫേ ഏവർക്കുമായി തുറന്നു കൊടുക്കുന്നത്.

അയർലൻഡിൽ ഇന്ത്യൻ – കേരളീയ ഭക്ഷണ സംസ്കാരം തനതായ രീതിയിൽ അവതരിപ്പിച്ച് കഴിഞ്ഞ മൂന്ന് വർഷം കൊണ്ട് ആളുകളുടെ പ്രിയപ്പെട്ട ഇടമായി മാറിയ ഒലിവ്സ് ഗ്രൂപ്പിന്റെ പുതിയ അധ്യായമാണ് ‘അന്നം’. ഇന്ത്യൻ രുചികളുടെ തനിമയും ആധുനിക കഫേ അനുഭവത്തിന്റെ (Modern Cafe) ഭംഗിയും കോർത്തിണക്കുന്ന ഒരു വേറിട്ട ഇടമായാണ് ഈ കഫേ രൂപകൽപ്പന ചെയ്തിരിക്കുന്നത്.

നാല് വർഷം മുൻപുള്ള ചെറിയ തുടക്കങ്ങളിൽ നിന്നും തങ്ങളെ കൈപിടിച്ച് ഉയർത്തിയതിനും, തളർന്നു പോയപ്പോൾ താങ്ങായി നിന്നതിനും എല്ലാ ഉപഭോക്താക്കൾക്കും അഭ്യുദയകാംക്ഷികൾക്കും എബ്രഹാം മാത്യുവും ടീമും ഹൃദയം നിറഞ്ഞ നന്ദി രേഖപ്പെടുത്തി. ഉപഭോക്താക്കളുടെ പിന്തുണയും സ്നേഹവുമാണ് പുതിയൊരു സ്വപ്നത്തിലേക്ക് ചുവടുവെക്കാൻ തങ്ങൾക്ക് കരുത്തായതെന്നും അവർ കൂട്ടിച്ചേർത്തു.

വെറുമൊരു ഭക്ഷണശാല എന്നതിലുപരി, ഓർമ്മകളും കഥകളും സ്നേഹവും പങ്കുവെക്കാനുള്ള ഒരു ഊഷ്മളമായ ഇടമായിരിക്കും ഡബ്ലിൻ സിറ്റി സെന്ററിലെ ‘അന്നം’. Authentic, Aromatic, Soulful, Vibrant എന്നീ ആശയങ്ങളിലൂന്നിയാണ് അന്നം അതിഥികളെ വരവേൽക്കുന്നത്.

Tallaghtലെ ഒലിവ്സ് ഇന്ത്യൻ റെസ്റ്റോറന്റ്, ബ്ലാഞ്ചസ്ടൌൺലെ (Blanchardstown) സിറ്റി ഗ്രോസറി സൂപ്പർമാർക്കറ്റ് എന്നീ വിജയകരമായ സംരംഭങ്ങൾക്ക് ശേഷം എത്തുന്ന ‘അന്നം’, അയർലൻഡിലെ ഇന്ത്യൻ ഭക്ഷണ മേഖലയിൽ മറ്റൊരു നാഴികക്കല്ലാകുമെന്നാണ് പ്രതീക്ഷിക്കുന്നത്. ഡബ്ലിൻ നഗരത്തിലെത്തുന്ന ഏവർക്കും ഇനി ‘അന്ന’ത്തിന്റെ സ്വാദറിയാം.